Art Decor Reklama nisi në vitin 1967 si një traditë familjare me dekore dhe dizajne që u bënë pjesë e ambienteve publike në disa qytete të Shqipërisë, edhe gjatë periudhës së komunizmit. Me këmbëngulje dhe punë të palodhur, tradita u përcoll brez pas brezi, duke hedhur themelet e asaj që jemi sot.
Çdo punim që krijojmë frymëzohet nga arti i mirëfilltë dhe nga kujdesi novator për çdo detaj dhe teknikë. Talenti, pasioni dhe puna janë tri shtyllat që e mbajnë gjallë aktivitetin tonë prej mbi pesë dekadash, dhe punët e realizuara ndër vite kanë lënë gjurmë te çdo klient që na ka besuar.
Sot ofrojmë një gamë të plotë shërbimesh në printim dhe reklamë: tabela me dhe pa ndriçim, gërma 3D, logo volumetrike dhe shkrime LED, printime postera, stikera, banera dhe veshje fasadash, produkte promocionale si bluza, gota, çanta dhe dhurata korporative, reklamë për ambiente të brendshme, gravim me lazer, menu restorantesh, katalogë, broshura, korniza dhe stenda. Veprimtaria jonë shtrihet edhe në arkitekturë dhe dizajn interieri, duke krijuar ambiente ku hapësira dhe imazhi i markës ndërthuren në një të vetme.
Vazhdojmë të njëjtën traditë familjare, me teknologji moderne dhe me të njëjtin pasion si në ditën e parë. Ju keni idenë, ne e kthejmë në art.
